Центр народного творчества «Эрэл» 678225, Республика Саха (Якутия), Вилюйский улус, село Хампа, улица Героя Степанова, дом 37
Наш адрес
8 (41132) 24263
Контактный номер
Контактный номер
Новости Центра народного творчества «Эрэл»
18.10.2022
Күрэхтэр түмүктэрэ
Арассыыйаҕа Аҕа күнүн бэлиэтинэн, Саха сиригэр Күн күбэй ийэлэр күннэринэн анаан оҕолорго уруһуй, открытка оҥоруута күрэхтэр түмүктэрэ таҕыста. Күрэхтэргэ кыттыбыт оҕолорбутугар баҕарыа этибит талааҥҥыт арылла, сайда турдун, дьоллоох оҕо сааһы, эйэлээх халлааны!
12.10.2022
Аҕам саастаахтар күннэрин чэрчитинэн тэрээһин сонуннара
Күн-дьыл барара түргэнин, кынаттаах кэриэтэ көтөллөр, көмүс күһүн күннэрэ кэлбитин билбэккэ да хааллыбыт. Күһүммүт барахсан көмүс көбүөрүн тэлгээн, сөрүүн салгынынан илгийэн, хаһыҥнаах сарсыардатынан эҕэрдэлээн эмиэ эргийэн тиийэн кэллэ.
Көмүс күһүн биир кэрэ-бэлиэ кэмигэр, биһиги Арыылаахпыт нэһилиэгин Аҕам саастаахтар күннэригэр анаан, 70 сааһыттан үөһээ саастаахтарга «Тимуровскай үлэ» оҥоруу, «Аһымал аахсыйа» хоруопкаҕа көмө оҥоруу тэрээһиннэргэ өрүү буоларын курдук олохсуйбут үгэһинэн тэрилтэлэр көхтөөхтүк кытыннылар, ытык-мааны кырдьа5астарбытыттан истиҥ махтал тылларын ылан кынаттаннылар:
- Күн киҺитэ - көмүскэс, Айыы киһитэ-аһыныгас - диэн саха киҺитин үтүө санаатынан салайтаран "Кэскил" уһуйаан үлэһиттэрэ сылын аайы аҕам саастаахтарын өрүү санаан ааһалларыттан киһи дууһата сылаанньыйар. Быйыл эмиэ кэһии бөҕө тутаммын сүргэм көтөҕүлүннэ. Үтүө санаалаах бар дьоммор махтал бастыҥын тиэрдэбин. ЭҺигини барыгытын кэлэн иһэр ийэлэр, аҕалар күннэринэн итиитик – истиҥник эҕэрдэлиибин, үлэҕэ-үөрэххэ улахан ситиһиилэри, дьиэ кэргэттэргитигэр иллээх олоҕу, хаһан да ыарыы ылласпатын, доруобай дьоллоох-саргылаах буолуҥ. Сахалыы сайаҕас санааҕыт самныбатын-диэн алҕаатагым буоллун... Махталы кытта, Мария Федотовна Егорова
- "Кэскил" уһуйаан профкомугар,коллективыгар Агам саастаах дьон күннэринэн эҕэрдэҕит, бэлэххит иһин Герасимовтар дьиэ кэргэттэрин аатыттан улахан махтал! Үлэгитигэр ситиһиилэри, дьиэ кэргэннитигэр этэҥҥэ буолууну баҕарабыт.
- Хампам "Эрэл" НАК коллективын бэһиэлэй кыргыттарыгар улахан махталбын тиэрдэбин! Саҥа кулууп үлэҕэ киирэн үлэҕит өссө таһаарыылаах, үрдүк ситиһиилээх буоларыгар ис сүрэхпиттэн баҕарабын! Барыгытыгар дьиэ кэргэҥҥитигэр кытаанах доруобуйаны, дьолу соргуну, эйэлээх күөх халлаан өрүү баар буоллун! Махталы кытта Егорова Н.Т.
Күн аайы саҥатык, эйэлээх олохтон үөрүөҕүҥ!
06.10.2022
«Бэлэхпин уунабын» оҕолорго открытка оҥоһугун күрэҕин балаһыанньата
Саха сирин ийэлэрин күнүгэр аналлаах куйаар ситимин нөҥүө ыытыллар «Бэлэхпин уунабын» оҕолорго открытка оҥоһугун күрэҕин балаһыанньата
Тэрийээччи: Арыылаах нэһилиэгэ МТ, «Эрэл» НАК.
Буолар кэмэ: алтынньы ый 6 күнүттэн-15 күнүгэр диэри оҥоһуктар хомуллаллар.
Кытталлар:
I бөлөх - 5-7 саастаахтар
II бөлөх – 8-11 саастаахтар
III бөлөх – 12-16 саастаахтар
Ирдэбил:
1. Кыттааччы ийэтигэр анаан туох баҕарар матырыйаалтан открытка оҥорбутун хаартыскаҕа түһэрэн ыытар.
2. Кыттааччы бэйэтин аатын-суолун, сааһын үлэтигэр суруйан бэлиэтиэхтээх.
3. Үлэлэргитин 89142230764 Сардана Алексеевна Е. нүөмэргэ ыытаҕыт, взнос 100 солк. 89142230764 Сардана Алексеевна Е. (чек)
Түмүк: алтынньы ый 16 күнүгэр тахсыа
Наҕараадалар: Кыттыылаахтар сертификатынан, кыайылаахтар дипломнарынан, кыра бэлэхтэринэн бэлиэтэниэхтэрэ.
Кыттааччылар үлэлэрэ «Эрэл» НАК официальнай сирэйигэр тахсыа.
Тэрийэр хамыыһыйа.
06.10.2022
«Аҕабынан киэн туттабын» оҕолорго уруһуй күрэҕин балаһыанньата
Куйаар ситимин нөҥүө ыытыллар «Аҕабынан киэн туттабын» оҕолорго уруһуй күрэҕин балаһыанньата
Тэрийээччи: Арыылаах нэһилиэгэ МТ, «Эрэл» НАК.
Буолар кэмэ: алтынньы ый 6 күнүттэн-15 күнүгэр диэри оҥоһуктар хомуллаллар.
Кытталлар:
I бөлөх - 6-7 саастаахтар
II бөлөх – 8-10 саастаахтар
III бөлөх – 11-13 саастаахтар
Ирдэбил:
1. Кыттааччы аҕатын хайдах көрөрүнэн А4 формакка уруhуйдуур, үлэтин хаартыскађа түhэрэн ыытар.
2. Кыттааччы үлэтин аатын, бэйэтин аатын, сааһын үлэтигэр суруйан бэлиэтиэхтээх.
3. Үлэлэргитин 89142905861 Мария Спиридоновна Т. нүөмэргэ ыытаҕыт, взнос 100 солк. 89142905861 Мария Спиридоновна Т. (чек)
Түмүк: алтынньы ый 16 күнүгэр тахсыа
Наҕараадалар: Кыттыылаахтар сертификатынан, кыайылаахтар дипломнарынан, кыра бэлэхтэринэн бэлиэтэниэхтэрэ.
Кыттааччылар үлэлэрэ «Эрэл» НАК официальнай сирэйигэр тахсыа.
Тэрийэр хамыыһыйа.
27.09.2022
Саха сирин Судаарыстыбаннаһын күнэ
Саха сирин Судаарыстыбаннаһын күнүнэн итиитик-истиҥник эҕэрдэлиибит!
06.07.2022
Арыылаах нэһилиэгин Үрүҥ Тунах Ыһыаҕа
Саха омуга үгүс үйэлэри уҥуордаан кэлбит, сүрэҕэр-быарыгар чугастык туппут, айылҕалыын алтыһан этэ-хаана чэпчиир, кута-сүрэ ыраастанар сүрүн бырааһынньыгынан - Үрүҥ Тунах Ыһыах буолар.
От ыйын 2 күнүгэр Арыылаах алааһа көҕөрөн чэлгийэн, күммүт уота чаҕылыччы мичилийэн кэлбит дьону үөрэ-көтө уруйдуу-айхаллыы көрүстэ.
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар Үрүң тунах Ыһыах үрдүк таһымнаахтык буолан ааста.
Ыһыах сиэрин-туомун Үрдүк Айыылартан көрдөһөн, Хатан Тэмиэрийэҕэ уохтаах кымыһынан, арыылаах алаадьынан айах тутан, алгысчыт биир дойдулаахпыт Матвей Дорофеевич Евсеев ыһыаҕы арыйда.
Арыылаах нэһилиэгин Аҕа баһылыга Афанасий Афанасьевич Тимофеев ытык чороонтон кырылыы кыынньыммыт кымыс үрдүн охтордо.
Үбүлүөйдээх оскуола туйгун үөрэнээччилэрин, үлэһиттэрин бэлиэтээн аастылар.
Тэрилтэлэрбит, түөлбэлэрбит түһүлгэлэрин саҥардыы тупсаҕайдык оҥостубуттара, дьон сүргэтин көтөхтө.
Ыһыахха аналлаах араас күрэхтэр буолан аастылар, ол курдук «Ойдоруулаах оһуокай”, «Киэргэллээх түһүлгэбит кэрэ түгэнэ» саха таҥаһа, «Этигэн хомуһум, эбир ыһыах эђэрдэлээх күнүгэр, лыңкынас тыаскар саргыны салай!», оҕолорго «Cүүтүк боотур», «Хоһууна - 22».
Ыһыах дьоро киэһэтигэр «Туйаара» образцовай вокальнай анаамбл «Үрүҥ тунах Ыһыаҕынан!» ырыа дьоро киэһэтин бэлэхтээтилэр. Онтон үрүҥ түүнү иилээн-саҕалаан Владимир Веревкин "ТҮМЭН" ВИА-ны кытары тыыннаах доҕуһуолунан НОСТАЛЬЖИ ҮҤКҮҮ-БИТИИ дьоро киэһэтин оҥордулар.
29.06.2022
«Үрүң тунах Ыһыахха» «Хоһууна - 22» оскуола орто сүhүөђүн кыргыттарыгар көрүү-күрэх тосхоло
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха»
«Хоһууна - 22» оскуола орто сүhүөђүн кыргыттарыгар көрүү-күрэх тосхоло.
Ыытыллар күнэ: от ыйа 2 күнэ 2022 сыл
Са5аланар: 16:00ч. Оҕо түһүлгэтэ
Буолар сирэ: Арыылаах
Кыттааччылар: Оскуола орто сүhүөђүн кыргыттара (5, 6, 7 кылаас)
Сыала – соруга:
· Кыыс кэрэтигэр сүгүрүйүү, харыстааhын уонна былыргы үгэhи, итэ5эли үйэтитии;
· Эдэр ыччаты кэрэ5э, истиӊ сыhыаӊӊа, ɵбүгэ са5аттан илдьэ кэлбит сиэргэ – туомӊа уhуйуу;
· Кыыс о5о айыл5а биэрбит аналын араӊаччылааhын, таӊаhын – сабын кэрэхсэтии уонна тар5атыы
Күрэс түhүмэхтэрэ:
· «Сэмэй нарын сэhэннээх» - сахалыы таҥастаах бэйэни билиhиннэрии;
· «Күндү кɵмүс талаан»- нүɵмэр;
· «Өбүгэ оонньуута» сытыы-быһый көрүү күрэђэ: - дулҕаннан сүүрүү;
- мас тардыһыы;
- моһол ааһыы;
- сүүрүү.
Нађараадалааһын:
Спонсорство көңүллэнэр.
Кыайыылаахтары на5араадалааһын:
Кыттааччыларга сертификаттар, анал ааттар туттарыллаллар, кыайыылаах «Хоһууна - 2022» анал аат иңэриллэр.
Билсэр телефоңңут: 89142905861 Мария Спиридоновна29.06.2022
«Үрүң тунах Ыһыахха» «Сүүтүк-Боотур» оскуола алын кылааһын үөрэнээччилэригэр күрэх тосхоло
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха»
«Сүүтүк-Боотур» оскуола алын кылааһын үөрэнээччилэригэр күрэх тосхоло.
Ыытыллар күнэ: 2022 с., от ыйын 2 күнэ, күнүс 16:00 ч
Ыытыллар сирэ: Оҕо түһүлгэтэ
Күөн-күрэс сыала-соруга:
· Ођо сайдыытын, айылђаттан бэриллибит талаанын арыйыы, сөргүтүү;
· Чөл туруктаах олођу ођо эрдэхтэн көђүлээһин;
· Ођону эстетическай, нравственнай өттүнэн сайыннарыы, кэрэђэ уһуйуу.
Күрэх ирдэбиллэрэ:
v Конкурска кыттыыны ылаллар 2,3,4 кылаас үөрэнээччилэрэ уолаттар.
Күрэх түһүмэхтэрэ:
ü Олоңхо дойдутун ођотобун (сахалыы таңас көрүүтэ);
ü Бэйэни билиһиннэрии (сахалыы таңастаах);
ü Талба талаан, дьоһун дьођур;
ü «Өбүгэ оонньуута» сытыы-быһый көрүү күрэђэ: - мас тардыһыы;
- ойбонтон уулааһын;
- ыраађы ыстаныы;
- кыыһы сырсыы.
Нађараадалааһын:
Спонсорство көңүллэнэр.
Кыайыылаахтары на5араадалааһын:
Кыттааччыларга сертификаттар, анал ааттар туттарыллаллар, кыайыылаах «Сүүтүк Боотур» анал аат иңэриллэр.
Билсэр телефоңңут: 89142230764 Сардана Алексеевна
29.06.2022
«Үрүң тунах Ыһыахха» ыытыллар «Уруйдан тэрилтэм!» тэрилтэлэр парадтара, «Ыһыах бастың түһүлгэтэ» күрэхтэр тосхоллоро.
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха» ыытыллар «Уруйдан тэрилтэм!» тэрилтэлэр парадтара, «Ыһыах бастың түһүлгэтэ» күрэхтэр тосхоллоро.
Буолар сирэ: Арыылаах
Күнэ-дьыла: от ыйа 2 күнэ, 2022 сыл.
«Уруйдан тэрилтэм!» сахалыы таҥастаах сэлэлии хаамыы,
Хампа орто оскуолата 155 сылын чэрчитинэн араас кэмнэргэ бүтэрбит выпускниктар сэлэлии хаамыылара
Бириэмэтэ: күнүс 11 ч.
Сэлэлии хаамыы сыала - соруга:
- үбүлүөйнэй тэрээһиннээх ыһыахха тэрилтэлэр, выпускниктар активнай кыттыыларын ситиһии
Сүрүн ирдэбиллэрэ:
· Кыттааччылар сахалыы таҥастаахтара ирдэнэр,
· Тэрилтэ аатынан табличкалаах, эмблемалаах буолара биһирэнэр,
· Маассабас ирдэнэр.
«Ыһыах бастың түһүлгэтэ» тэрилтэлэр икки ардыларыгар күрэх
Бириэмэтэ: күнүс 12 ч. (торжественнай чаас кэннэ)
Күөн- күрэс сыала – соруга:
· Былыргы ыһыахтарга ыытыллар биир көхтөөх үгэһи сөргүтүү;
· Өбүгэ үгэһин дьоңңо-сэргэђэ тарђатыы, сайыннарыы;
· Ыһыах түһүлгэтин саңа көрүңнэрин тэрийии;
· Тэрилтэлэр ыһыахха кыттыыларын күүһүрдүү, сомођолооһун.
Сүрүн ирдэбиллэрэ:
ü Түөлбэ дьонун, кэлбит ыалдьыттыы сытар нэһилиэктэр дьонун түмэр сиринэн түһүлгэ буолар. Түһүлгэ – тэрилтэ дьоно-сэргэтэ, бэйэлэрин кыахтарынан тупсађай көстүүлээх, ураһалаах, балааккалаах, киэргэллэрдээх, кимнээх буолалларын бэлиэтиир бэлиэ суруктаах буолаллара ирдэнэр.
ü «Тойон Чороон» ыһыахха туттуллар иһит-хомуос (сахалыы иhит).
ü «Ыhыахха сандалы» саха төрүт үрүң аһын арааһа, алаадьы, лэппиэскэ арааһа көрүллэр.
ü Түһүлгэ дьоно-сэргэтэ бэйэлэрин фантазияларынан тугу бађарар өссө баар ирдэбиллэргэ эбэн биэрэрэ хайђаллаах.
ü Түһүлгэ дьоно-сэргэтэ 5 мүнүүтэ иһигэр визитка көрдөрөллөр.
ü Түөлбэттэн биирдии дьүүллүүр сүбэ ирдэнэр.
Нађараадалааһын:
Кыттааччыларга туоһу сурук, сертификаттар туттарыллаллар.
Дьүүллүүр сүбэ быһаарыыта бүтэһиктээх.
29.06.2022
«Үрүң тунах Ыһыахха» «Этигэн хомуһум, эбир ыһыах эђэрдэлээх күнүгэр, лыңкынас тыаскар саргыны салай!» күрэх тосхоло
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха»
«Этигэн хомуһум, эбир ыһыах эђэрдэлээх күнүгэр, лыңкынас тыаскар саргыны салай!» күрэх тосхоло.
Буолар сирэ: Арыылаах
Күнэ-дьыла: от ыйа 2 күнэ, 2022 сыл.
Ыытыллар сирэ- бириэмэтэ: Арыылаах, Ођо түһүлгэтэ. Күнүс 14:00 ч.
Күөн-күрэс сыала-соруга:
· Төрүт ньыманан тардыы араастарын үйэтитии (сыыйа тардыы, күөрэгэйдэтии, хаастаатыы, табыгыр уо.д.а);
· «Бүлүүлүү сыыйа тардыы» ньыматын сөргүтүү, киэң эйгэђэ таһаарыы;
· Кыттааччылар толорор маастарыстыбаларын үрдэтии, өйөөһүн.
Ирдэбилэ:
1. Күөн күрэскэ тэрилтэттэн (Арыылаах нэһилиэгин тэрилтэлэрэ) бөлөҕүнэн кыттааччы ирдэнэр;
2. Күрэскэ кыттыан баҕалаах сааһыттан хааччаҕа суох биирдиилээн оонньооччулар кытталлар;
3. Инструменынан дођуһуол көңүллэнэр;
4. Кыттааччы тематын бэйэтэ талар;
5. Оонньуур бириэмэ 5 мүнүүтэттэн уһуна суох буолуу;
6. Таңаһа саба, туттан хаптан оонньуура сыаналанар.
Кыайыылаахтарга сыаналаах бириистэр, анал ааттар иңэриллэллэр.
Кыттааччы билсэр нүөмэрэ: Татаринова А.И. 89141097821
Тэрийэр бөлөх.
29.06.2022
«Үрүң тунах Ыһыахха» «Киэргэллээх түһүлгэбит кэрэ түгэнэ» саха таҥаһын көрүү-күрэҕин тосхоло.
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха»
«Киэргэллээх түһүлгэбит кэрэ түгэнэ» саха таҥаһын көрүү-күрэҕин тосхоло.
Буолар сирэ: Арыылаах
Күнэ-дьыла: от ыйа 2 күнэ, 2022 сыл.
Ыытыллар сирэ- бириэмэтэ:Арыылаах, оҕо түһүлгэтэ. Күнүс 15:00 ч.
Күөн-күрэс сыала-соруга:
· Саха омуга таңнар таңаһын ураты көстүүтүн, быһыытын-таһаатын, ойуутун-дьэрэкээнин сайыннаран, харыстаан үйэтитии.
· Өбүгэ таңаһын, сахалыы моһуоннаах аныгылыы таңастары киэң эйгэђэ тарђатыы
· Иис культуратын, ойуу-мандар, симэх үгэстэрин киэңник тэнитии
Ирдэбилэ:
ü Күөн күрэскэ тэрилтэттэн (Арыылаах нэһилиэгин тэрилтэлэрэ) сахалыы таҥас 3 сүһүөххэ үһүөннэригэр биирдии кыттааччы ирдэнэр;
ü Күрэххэ сааһыттан тутулуга суох ким бађалаах кыттыан сөп.
ü Коллекция кылгас аннотацията (кыттааччы аата-суола, иистэнньэҥ аата-суола, туох матырыйаалтан тигиллибитэ) баар буолара булгуччу ирдэнэр.
ü Саха таңаһын комплегар толору киэргэллээђэ ирдэнэр (илин кэбиһэр, бастыңа, бөђөх, кур, дэйбиир уо.д.а.)
ü Саха омук иистэнэр үгэстэрин тупсађайдык, сөптөөхтүк туһаныы.
ü Тэрилтэттэн биирдии дьүүллүүр сүбэ ирдэнэр.
Күрэххэ көрүллэр таҥас көрүҥнэрэ:
- Саха төрүт таҥаһа;
- Сахалыы аныгылыы таҥас;
- Стилизованнай (Сценическэй таҥас)
Кыайыылаахтарга сыаналаах бириистэр, анал ааттар иңэриллэллэр.
Сайаапкалары бу нүөмэргэ биэрэҕит: Семенова А.С.. 89142635167
Тэрийэр бөлөх.
29.06.2022
«Үрүң тунах Ыһыахха» «Ойдоруулаах оһуокай» күрэх тосхоло
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар
«Үрүң тунах Ыһыахха»
«Ойдоруулаах оһуокай» күрэх тосхоло.
Буолар сирэ: Арыылаах
Күнэ-дьыла: от ыйа 2 күнэ, 2022 сыл.
Ыытыллар сирэ- бириэмэтэ:Арыылаах, Киин түһүлгэ, сэргэ. Күнүс 14:00 ч.
Күөн-күрэс сыала-соруга:
· Ытык Оһуохайы саха омук олохсуйбут сирдэригэр тар5атыы-тэнитии, Аан дойдуга олохтоох атын омуктарга киэңник билиһиннэрии;
· Эдэр дьону уһуйуу, саха тылын сүмэһинин эдэр этээччилэргэ үөрэтии, иңэрии;
· Төрүт үгэстэри дьоңңо, ыччакка тарђатыы, атын куһа5ан тыыннаах сабыдыалтан тэйитии;
· Былыргы Ытык Оһуокай алгыс тылларын сөргүтэн, умнуллан эрэр духуобунай күүһүн бө5өргөтүү;
· Хампа орто оскуолатын үбүлүөйдээх сылыгар көлүөнэлэри түмүү.
Ирдэбилэ:
Ø Күөн күрэскэ тэрилтэттэн (Арыылаах нэһилиэгин тэрилтэлэрэ) биирдиилээн кыттааччы (кынаттара) ирдэнэр;
Ø Күрэххэ кыттыан баҕалаах 18 сааһыттан үөһээ саастаахтар кытталлар.
Ø Этээччи хоһуйуутун ис хоһооно, уус-уран тыла, куолаһын чуора-кэрэтэ, түһүлгэни тутара, сахалыы таңаһа- саба, сиэри-туому тутуһуута, хамсаныыта, биир са5алаабыт быһыытын уларыппакка тутуута;
Ø Бүлүүлүү оһуохайга түһүмэхтэрин тутуһуу (туойан са5алааьына, хаамтарыыта, көтүтүүтэ, уоскутуута-налытыыта);
Ø Этээччилэр, кинилэр кынат дьонноро, бириэмэлэригэр эттилэр да5аны баран хаалбакка, атын этээччини өйөөннөр кынат буолан кытталлара учуоттанар;
Ø Этээччи бириэмэтэ 10 мүнүүтэ;
Ø Сахалыы таңаһа-саба учуоттанар;
Ø Оһуохайы хоhуйуу тиэмэлэрэ: Саха АССР төрүттэммитэ 100 сыллаах үбүлүөйэ, Саха Өрөспүүбүлүкэтигэр Ийэ сыла, Советскай Сойуус героя Н.С.Степанов 100 сыллаах үбүлүөйэ, С.Ф.Гоголев аатынан Хампа орто оскуолата 155 сыла
Ø Тэрилтэттэн биирдии дьүүллүүр сүбэ ирдэнэр.
Кыайыылаахтарга сыаналаах бириистэр, анал ааттар иңэриллэллэр.
Кыттааччы сайаапканы бу нүөмэргэ биэрэр: Осипова А.А. 89644169123
Тэрийэр бөлөх.
29.06.2022
Арыылаах нэһилиэгин Үрүҥ тунах ыһыаҕар ыҥырабыт!
Саха АССР төрүттэммитэ 100 сыллаах үбүлүөйүн, Саха Өрөспүүбүлүкэтигэр Ийэ сылын, Советскай Сойуус героя Н.С.Степанов 100 сыллаах үбүлүөйүн, С.Ф.Гоголев аатынан Хампа орто оскуолата 155 сылын чэрчилэринэн ыытыллар Үрүң тунах Ыһыахха ыҥырабыт!
01.06.2022
Бэс ыйын 1 күнэ, Оҕо көмүскэлин күнэ.
Бу бырааһынньык хайдах төрүттэммитэй? Арассыыйаҕа Оҕо көмүскэлин күнүн быһыытынан биллэр эбит буоллаҕына, атын дойдуларга Норуоттар икки ардыларынааҕы оҕо күнүнэн ылыналлар. Оҕо күнэ былыргы бырааһынньыктартан биирдэстэрэ. Бу бырааһынньыгы бэлиэтиир туһунан быһаарыыны 1925 сыллаахха оҕолор үтүө туруктаах буолууларыгар анаммыт Аан дойдутааҕы кэмпириэнсийэҕэ ылыммыттар.
Тоҕо бэс ыйын 1 күнүгэр бэлиэтииллэрий? Оҕо күнүн тоҕо бэс ыйын 1 күнүгэр бэлиэтииргэ санаммыттара чопчу ыйыллыбат эрээри, сорох интэриниэт ситимнэргэ сурулларынан, 1925 сыллаахха Сан-Францискоҕа Кытай Генеральнай консула кытай тулаайах оҕолорун хомуталаан ылан баран Дуань-у цзе (драконнар бэстибээллэрин) тэрийбит. Ол тэрээһин бэс ыйын 1 күнүгэр ыытыллыбыт. Ону таһынан Оҕо үтүө туруктаах буолуутугар анаммыт кэмпириэнсийэ эмиэ ити күн сөп түбэспит. 1949 сыллаахха дьахталлар Норуоттар икки ардыларынааҕы демократическай федерацияларын Сэбиэтин сессиятыгар Москваҕа Оҕо көмүскэлин күнүн бэлиэтиир наадатын туһунан биир санааҕа кэлбиттэр. Саха сиригэр бу биир саамай сырдык, ыраас бырааһынньыгынан буолар. Өрөспүүбүлүкэ араас муннуктарыгар оҕолорго аналлаах тэрээһиннэри ыыталлар, ол курдук биһиги нэһилиэкпитигэр халлааммыт тымныы, ардахтаах да буоллар спортзал иһигэр оҕолорго бырааһынньык тэрилиннэ. Баантик, хаалтыс, телефон чехола, рюкзак, коляска, велик күрэхтэрэ, ырыа, үҥкүү-битии, араас көрдөөх оонньуулар, эстафеталар ыытылыннылар.18.05.2022
Советскай Союз геройа Н.С.Степанов аатыгар Степановскай оонньуулар
Бүгүн ыам ыйын 18 күнүгэр Арыылаах нэһилиэгэр сылын ахсын ыытыллар Советскай Союз Геройа Николай Саввич Степановка аналлаах оскуола орто көлүөнэтин үөрэнээччилэригэр Зарница, Степановскай оонньуулар буоллулар. Тэрээһиҥҥэ Н.С.Степанов аатынан Бүлүүтээҕи 3 нүөмэрдээх, Тааһаҕар, Дьөккөн уонна Хампа орто оскуолаларын 5-8 кылаас үөрэнээччилэрэ муһуннулар.
Н.С.Степанов скверыгар күрэх бастакы түһүмэҕэ строевой хаамыы буолла. Оҕолор сүрдээҕин бэлэмнэммиттэрин көрдөрдүлэр. Салҕыы Герой төрөөбүт өтөҕөр Чолбоохойго оонньуу бардылар.
Маннык тэрээһин оҕолорго патриотическай иитиини үөрэтэр, өрүүтүн да субу курдук тэрээһиннэр буола туралларыгар баҕарабыт.
Оҕолорго үөрэхтэригэр ситиһиини, кыайыыны баҕарабыт.
13.05.2022
Советскай Союз геройа Н.С.Степанов төрөөбүт күнүнэн Чэбдигирии хаамыы
Ыам ыйа 13 күнүгэр биһиги нэһилиэкпитигэр улахан суолталаах күнүнэн ааҕыллар. 100 сыл анараа өттүгэр Чолбоохой өтөххө Советскай Союз Геройа Николай Саввич Степанов күн сирин көрбүтэ.
Сыл ахсын оноһуллар, «Герой күнэ» тэрээhиҥҥэ бүгүн Герой скверыгар митинг, гирлянда ууруута, эҕэрдэ тыллар этилиннилэр. Тэрээһиҥҥэ нэһилиэкпит дьоно-сэргэтэ, тэрилтэлэр, оскуола оҕолоро, ытык кырдьаҕастар актыыбынайдык кытыннылар, сэргээтилэр.
Торжественнай чаас кэннэ Николай Саввич төрөөбүт өтөҕөр Чэбдигирии хаамыы буолла. Бадырааны бадыраан, ардаҕы ардах диэбэккэ Чэбдигирии түмсүү Вера Себастьяновна Васильева салайааччылаах өтөххө тиийэн Геройбут Өйдөбүнньүк сэргэтигэр сибэкки дьөрбөтүн уурдулар.
Онтон киэһэ оскуола оҕолорун улахан эҕэрдэ концердын көрөн дуоһуйдубут.
Бу курдук биһиэхэ Арыылаах нэһилиэгин олохтоохторугар ыам ыйа 13 күнэ Герой күнэ диэн улахан тэрээһиннээх, суолталаах күнүнэн ааҕыллар.
Сыл ахсын оноһуллар, «Герой күнэ» тэрээhиҥҥэ бүгүн Герой скверыгар митинг, гирлянда ууруута, эҕэрдэ тыллар этилиннилэр. Тэрээһиҥҥэ нэһилиэкпит дьоно-сэргэтэ, тэрилтэлэр, оскуола оҕолоро, ытык кырдьаҕастар актыыбынайдык кытыннылар, сэргээтилэр.
Торжественнай чаас кэннэ Николай Саввич төрөөбүт өтөҕөр Чэбдигирии хаамыы буолла. Бадырааны бадыраан, ардаҕы ардах диэбэккэ Чэбдигирии түмсүү Вера Себастьяновна Васильева салайааччылаах өтөххө тиийэн Геройбут Өйдөбүнньүк сэргэтигэр сибэкки дьөрбөтүн уурдулар.
Онтон киэһэ оскуола оҕолорун улахан эҕэрдэ концердын көрөн дуоһуйдубут.
Бу курдук биһиэхэ Арыылаах нэһилиэгин олохтоохторугар ыам ыйа 13 күнэ Герой күнэ диэн улахан тэрээһиннээх, суолталаах күнүнэн ааҕыллар.
13.05.2022
Советскай Союз геройа Н.С.Степанов 100 сылынан
Советскай Союз геройа Н.С.Степанов 100 сылыгар анаан 100 километры, 100 үөрэнээччи Бүлүүтээҕи гимназия, Бүлүү 1,2,3 нүөмэрдээх оскуолалар, Хампа орто оскуолата маассабай сүүрүүгэ кытыннылар. Бу геройбут 100 сылынан оҕолор кэлэн кыттыбыттарыгар барҕа махталбытын тириэрдэбит, үөрэххитигэр ситиһиилэри, чэгиэн доруобуйаны, эйэлээх халлааны.
Сүүрүүттэн быһа тардыыны бу ссылканнан киирэн көрүҥ. https://youtube.com/shorts/dQ0us87W7Sw?feature=share
09.05.2022
Ыам ыйын 9 күнэ, Кыайыы күнэ!
Ыам ыйын 9 кунэ – Россия бары олохтоохторугар дириң өйдөбүллээх ытык күн буолар. Бу күн биһиги Аан дойдуну фашизмтан босхолообут кыайыылаах көлүөнэҕэ дириҥ махталбытын биллэрэбит кинилэргэ булгуруйбат санааларын уонна Ийэ дойдуларыгар тапталларын иһин сүгүрүйэбит.
Улуу Кыайыы, өрөгөй күнэ. Төhө да сыл хонук аастар, бу бырааhынньык суолтата харыс да хамнаабакка, төттөрүтүн өссө суолталанан, дириҥээн иhэр. Саҥаттан саҥа көлүөнэлэргэ 1945 сыл ыам ыйын 9 күнэ хаhан да умнуллуо суоҕа!
Арыылаах нэһилиэгэр бүгүн ыам ыйын 9 күнүгэр төһө да халлаан тымныы буоллар Улуу Кыайыы бырааһынньыгын өрө көтөҕүллүүлээхтик бэлиэтээтибит. Быйыл Арыылаах нэһилиэгэр улахан суолталаах сыл, ол курдук биир дойдулаахпыт, Советскай Сойуус геройа Николай Саввич Степанов 100 сыллаах үбүлүөйэ. Улуу Кыайыы күнүгэр түбэһиннэрэн дэриэбинэбит киинигэр Герой стеллата уонна бюһа үөрүүлээхтик арылынна. Үөрүүлээх арыллыыга кэлэн кытыннылар Николай Саввич кыыһа Акулина Николаевна кыыһынаан, сиэнинээн, Бүлүү улууһа оройуона, муниципальнай тэриллии баһылыга Сергей Николаевич Винокуров, социальнай боппуруостарга баһылыгы солбуйааччы Александр Анатольевич Прокопьев, Бүлүү улууһун дьаһалтатын дьыалаларын дьаһайааччы Клара Валериановна Гаврильева, улуустааҕы лесхозхозяйство салайааччыта Михаил Михайлович Кутукутов о.д.а. Маны таһынан Герой төрөөбүт өтөҕөр Чолбоохойго өйдөбүнньүк сэргэ туруорулунна. Ыалдьыттарбыт ытык мааны аҕам саастаах кырдьаҕастарбытынаан, үлэ-тыыл ветераннарынаан, оонньооботох оҕо саастаах сэрии оҕолорунаан итии чэйдээх төгүрүк остуолга ирэ-хоро сэһэргэһэ, оонньоон-көрүлээн Улуу Кыайыы бырааһынньыгын бэлиэтээтилэр. Ытык мааны кырдьаҕастарбытыгар өссө төгүл Улуу Кыайыы бырааһынньыгынан итиитик-истиҥник эҕэрдэлиибит. Баҕарабыт эйэлээх халлааны, чэгиэн доруобуйаны.
01.05.2022
«Мин дойдум – мин дьолум» фестиваль-куонкурустан сонуннар
Россия үрдүнэн Культурнай нэһилиэстибэ, Саха Өрөспүүбүлүкэтигэр Ийэ, Автономия 100, Советскай сойуус геройа Н.С.Степанов төрөөбүтэ 100, Хампа орто оскуолата 155 сылларыгар, анаан Арыылаах нэһилиэгэр тэрилтэлэр икки ардыларыгар улахан фестиваль куонкурус буолан ааста. Ол курдук муус устар 27 күнүгэр күрэҕи саҕалаатылар холбоһук тэрилтэлэр - Театральнай оскуола, Газ, Врачебнай амбулатория. Онтон муус устар 30 күнүгэр Олохтоох дьаһалта уонна кыра тэрилтэлэр көрдөрдүлэр. Күөх маайга СПО Средневилюйскай, ЖКХ тэрилтэлэрэ көрдөрдүлэр.
Тэрилтэлэр күүстээх, интэриэһинэй, чаҕылхай концертары көрдөрөн көрөөччүлэри сэҥээртилэр, сөхтөрдүлэр. Күрэх түмүгүнэн III миэстэни ыллылар Олохтоох дьаһалта уонна кыра тэрилтэлэр, II миэстэ буоллулар Театральнай оскуола, Газ, Врачебнай амбулатория уонна I миэстэни ыллылар СПО Средневилюйскай, ЖКХ. кыайыылаахтарбытын эҕэрдэлиибит, махтанабыт.
Уонна фестиваль түгэннэриттэн хаартыскалары көрөргө ыҥырабыт.
28.04.2022
Саха сирин автономиятын 100 сылын көрсө үөрүүлээх тэрээһин
1922 сыл муус устар 27 күнүгэр ылыллыбыт Саха Автономията, оччотооҕу Саха уобалаһа өрөспүүбүлүкэ быһыытынан статустаммыта бүгүҥҥү күҥҥэ хас биирдиибитигэр сүҥкэн улахан суолталаах.
Саха Автономнай Сэбиэскэй Социалистическай Өрөспүүбүлүкэтин (Саха АССР) төрүттээбит саха чулуу дьоно Максим Кирович Аммосов, Саха АССР правительствотын-Совнарком бастакы председателэ, суруйааччы Платон Ойуунускай уонна Исидор Барахов сыралаах үлэлэрин, күүстээх туруорсууларын түмүгэр Саха Автономията баар буолбута.
Муус устар 27 күнүгэр Арыылаах нэһилиэгэр Саха Автономията тэриллибитэ 100 сыллаах үбүлүөйүн үөүөрүүлээх тэрээһинэ буолан ааста.
Нэһилиэк дьоно – сэргэтэ, тэрилтэлэр, оҕолор мустан сэлэлии хаамтыбыт, күргүөм оһуохай үҥкүүлээтибит, ветераннарга 100 сыллаах үбүлүөйнэй знактар туттарылыннылар.
Төрөөбүт Өрөспүүбүлүкэбит төрөөбүт күнүн үрдүк таһымнаахтык ыллыбыт.