Новости Центра народного творчества «Эрэл»

Бүгүн ыам ыйын 18 күнүгэр Арыылаах нэһилиэгэр сылын ахсын ыытыллар Советскай Союз Геройа Николай Саввич Степановка аналлаах оскуола орто көлүөнэтин үөрэнээччилэригэр Зарница, Степановскай оонньуулар буоллулар. Тэрээһиҥҥэ Н.С.Степанов аатынан Бүлүүтээҕи 3 нүөмэрдээх, Тааһаҕар, Дьөккөн уонна Хампа орто оскуолаларын 5-8 кылаас үөрэнээччилэрэ муһуннулар.

Н.С.Степанов скверыгар күрэх бастакы түһүмэҕэ строевой хаамыы буолла. Оҕолор сүрдээҕин бэлэмнэммиттэрин көрдөрдүлэр. Салҕыы Герой төрөөбүт өтөҕөр Чолбоохойго оонньуу бардылар.

Маннык тэрээһин оҕолорго патриотическай иитиини үөрэтэр, өрүүтүн да субу курдук тэрээһиннэр буола туралларыгар баҕарабыт.

Оҕолорго үөрэхтэригэр ситиһиини, кыайыыны баҕарабыт.

Ыам ыйа 13 күнүгэр биһиги нэһилиэкпитигэр улахан суолталаах күнүнэн ааҕыллар. 100 сыл анараа өттүгэр Чолбоохой өтөххө Советскай Союз Геройа Николай Саввич Степанов күн сирин көрбүтэ. 
Сыл ахсын оноһуллар, «Герой күнэ» тэрээhиҥҥэ бүгүн Герой скверыгар митинг, гирлянда ууруута, эҕэрдэ тыллар этилиннилэр. Тэрээһиҥҥэ нэһилиэкпит дьоно-сэргэтэ, тэрилтэлэр, оскуола оҕолоро, ытык кырдьаҕастар актыыбынайдык кытыннылар, сэргээтилэр.
Торжественнай чаас кэннэ Николай Саввич төрөөбүт өтөҕөр Чэбдигирии хаамыы буолла. Бадырааны бадыраан, ардаҕы ардах диэбэккэ Чэбдигирии түмсүү Вера Себастьяновна Васильева салайааччылаах өтөххө тиийэн Геройбут Өйдөбүнньүк сэргэтигэр сибэкки дьөрбөтүн уурдулар.
Онтон киэһэ оскуола оҕолорун улахан эҕэрдэ концердын көрөн дуоһуйдубут.  
Бу курдук биһиэхэ Арыылаах нэһилиэгин олохтоохторугар ыам ыйа 13 күнэ Герой күнэ диэн улахан тэрээһиннээх, суолталаах күнүнэн ааҕыллар. 

Советскай Союз геройа Н.С.Степанов 100 сылыгар анаан 100 километры, 100 үөрэнээччи Бүлүүтээҕи гимназия, Бүлүү 1,2,3 нүөмэрдээх оскуолалар, Хампа орто оскуолата маассабай сүүрүүгэ кытыннылар. Бу геройбут 100 сылынан оҕолор кэлэн кыттыбыттарыгар барҕа махталбытын тириэрдэбит, үөрэххитигэр ситиһиилэри, чэгиэн доруобуйаны, эйэлээх халлааны. Сүүрүүттэн быһа тардыыны бу ссылканнан киирэн көрүҥ. https://youtube.com/shorts/dQ0us87W7Sw?feature=share

Ыам ыйын 9 кунэ – Россия бары олохтоохторугар дириң өйдөбүллээх ытык күн буолар. Бу күн биһиги Аан дойдуну фашизмтан босхолообут кыайыылаах көлүөнэҕэ дириҥ махталбытын биллэрэбит кинилэргэ булгуруйбат санааларын уонна Ийэ дойдуларыгар тапталларын иһин сүгүрүйэбит. Улуу Кыайыы, өрөгөй күнэ. Төhө да сыл хонук аастар, бу бырааhынньык суолтата харыс да хамнаабакка, төттөрүтүн өссө суолталанан, дириҥээн иhэр. Саҥаттан саҥа көлүөнэлэргэ 1945 сыл ыам ыйын 9 күнэ хаhан да умнуллуо суоҕа! Арыылаах нэһилиэгэр бүгүн ыам ыйын 9 күнүгэр төһө да халлаан тымныы буоллар Улуу Кыайыы бырааһынньыгын өрө көтөҕүллүүлээхтик бэлиэтээтибит. Быйыл Арыылаах нэһилиэгэр улахан суолталаах сыл, ол курдук биир дойдулаахпыт, Советскай Сойуус геройа Николай Саввич Степанов 100 сыллаах үбүлүөйэ. Улуу Кыайыы күнүгэр түбэһиннэрэн дэриэбинэбит киинигэр Герой стеллата уонна бюһа үөрүүлээхтик арылынна. Үөрүүлээх арыллыыга кэлэн кытыннылар Николай Саввич кыыһа Акулина Николаевна кыыһынаан, сиэнинээн, Бүлүү улууһа оройуона, муниципальнай тэриллии баһылыга Сергей Николаевич Винокуров, социальнай боппуруостарга баһылыгы солбуйааччы Александр Анатольевич Прокопьев, Бүлүү улууһун дьаһалтатын дьыалаларын дьаһайааччы Клара Валериановна Гаврильева, улуустааҕы лесхозхозяйство салайааччыта Михаил Михайлович Кутукутов о.д.а. Маны таһынан Герой төрөөбүт өтөҕөр Чолбоохойго өйдөбүнньүк сэргэ туруорулунна. Ыалдьыттарбыт ытык мааны аҕам саастаах кырдьаҕастарбытынаан, үлэ-тыыл ветераннарынаан, оонньооботох оҕо саастаах сэрии оҕолорунаан итии чэйдээх төгүрүк остуолга ирэ-хоро сэһэргэһэ, оонньоон-көрүлээн Улуу Кыайыы бырааһынньыгын бэлиэтээтилэр. Ытык мааны кырдьаҕастарбытыгар өссө төгүл Улуу Кыайыы бырааһынньыгынан итиитик-истиҥник эҕэрдэлиибит. Баҕарабыт эйэлээх халлааны, чэгиэн доруобуйаны.

Россия үрдүнэн Культурнай нэһилиэстибэ, Саха Өрөспүүбүлүкэтигэр Ийэ, Автономия 100, Советскай сойуус геройа Н.С.Степанов төрөөбүтэ 100, Хампа орто оскуолата 155 сылларыгар, анаан Арыылаах нэһилиэгэр тэрилтэлэр икки ардыларыгар улахан фестиваль куонкурус буолан ааста. Ол курдук муус устар 27 күнүгэр күрэҕи саҕалаатылар холбоһук тэрилтэлэр - Театральнай оскуола, Газ, Врачебнай амбулатория. Онтон муус устар 30 күнүгэр Олохтоох дьаһалта уонна кыра тэрилтэлэр көрдөрдүлэр. Күөх маайга СПО Средневилюйскай, ЖКХ тэрилтэлэрэ көрдөрдүлэр.
Тэрилтэлэр күүстээх, интэриэһинэй, чаҕылхай концертары көрдөрөн көрөөччүлэри сэҥээртилэр, сөхтөрдүлэр. Күрэх түмүгүнэн III миэстэни ыллылар Олохтоох дьаһалта уонна кыра тэрилтэлэр, II миэстэ буоллулар Театральнай оскуола, Газ, Врачебнай амбулатория уонна I миэстэни ыллылар СПО Средневилюйскай, ЖКХ. кыайыылаахтарбытын эҕэрдэлиибит, махтанабыт.
Уонна фестиваль түгэннэриттэн хаартыскалары көрөргө ыҥырабыт.

1922 сыл муус устар 27 күнүгэр ылыллыбыт Саха Автономията, оччотооҕу Саха уобалаһа өрөспүүбүлүкэ быһыытынан статустаммыта бүгүҥҥү күҥҥэ хас биирдиибитигэр сүҥкэн улахан суолталаах.

Саха Автономнай Сэбиэскэй Социалистическай Өрөспүүбүлүкэтин (Саха АССР) төрүттээбит саха чулуу дьоно Максим Кирович Аммосов, Саха АССР правительствотын-Совнарком бастакы председателэ, суруйааччы Платон Ойуунускай уонна Исидор Барахов сыралаах үлэлэрин, күүстээх туруорсууларын түмүгэр Саха Автономията баар буолбута.  

Муус устар 27 күнүгэр Арыылаах нэһилиэгэр Саха Автономията тэриллибитэ 100 сыллаах үбүлүөйүн үөүөрүүлээх тэрээһинэ буолан ааста.

Нэһилиэк дьоно – сэргэтэ, тэрилтэлэр, оҕолор мустан сэлэлии хаамтыбыт, күргүөм оһуохай үҥкүүлээтибит, ветераннарга 100 сыллаах үбүлүөйнэй знактар туттарылыннылар.  

Төрөөбүт Өрөспүүбүлүкэбит төрөөбүт күнүн үрдүк таһымнаахтык ыллыбыт.

Бүгүн Арыылаах нэһилиэгэр  Саха сирин автономиятын 100 сылын көрсө,  Саха Республикатын общественнай политическэй деятелэ, Саха сирин бастакы большевик революционердартан биирдэстэрэ Степан Филиппович Гоголев аатын санаан ахтар бэлиэ күҥҥэ, «Бүлүү улууһа» Муниципальнай оройуон дьаһалтатын социальнай уонна эдэр ыччат отделын начальнига Аксинья Андреевна Кудайбердиева, оройуон Сэбиэтин депутаттара Николай Семенович Николаев, Егор Реворьевич Константинов, Мария Дмитриевна Осипова, Арыылаах нэһилиэгин Аҕа баһылыгын солбуйааччыта Савва Петрович Иванов, Степан Филипович Гоголев аатынан
Хампа орто оскуолатын директора Николай Эрикович Тимофеев  Гоголев С.Ф. бюстугар гирлянда, сибэкки дьөрбөтө уурудулар. Бу үөрүүлээх күнүнэн  бары олохтоохтору үөрэн-көтөн  туран ис сүрэхпититтэн эҕэрдэлиибит.

Сахабыт сирэ чэчирии сайдарын туһугар бары биир санаанан сомоҕо буолуоҕун.
Уруй - Айхал !
Уруй Туску !

Европа чемпионатын боруонса призерун Эдуард Григорьевы көрсүү

Бүгүн муус устар 22 күнүгэр Арыылаах нэһилиэгэр Будапешт куоракка ыытыллыбыт көҥүл тустууга Европа чемпионатын боруонса призера, норуоттар икки ардыларынааҕы спорт маастара Эдуард Захарович Григорьев кэлэн көрсөн ааста.

Эдуар Григорьев алтынньы ый 20 күнүгэр 1995 сыллаахха Бүлүү улууһун I Күүлэт нэһилиэгэр төрөөбүт. Балаҕан ыйын 2018 сылыгар Аан дойдутааҕы студеннар икки ардыларыгар Бразилия Гояна куоратыгар ыытыллыбыт күрэххэ чемпионнаабыт. Муус устар ыйга 2021 сылга Европа чемпионатыгар Варшава куоракка Георги Вангеловы хотон, кыайан бронзовай призер аатын сүкпүт. Онтон быйыл Будапешт куоракка ыытыллыбыт көҥүл тустууга Европа чемпионатын иккис төгүллээх боруонса призера буолла. Эдуар Григорьевка истиҥ эҕэрдэбитин тиэрдэбит уонна өссө да инникискигэ кыайыылары-хотуулары баҕарабыт.

Степан Фтилиппович Гоголев аатынан Хампа орто оскуолатыгар физкультура учуутала, хапса5ай тренерэ Сивцев Руслан Иванович оҕолору быйылгыттан хапсаҕайга үөрэтэн саҕалаата. Опыттаах тренер оҕолор талааннарын таба көрөн, сайыннаран бу биир сыл иһигэр күрэхтэринэн сылдьан кыайыы – хотуу кынаттаах үлэтин саҕалаата. Бу көрсүһүүгэ оҕолор Эдуард Григорьевтан саҥа приемнары, тустуу араас албастарын көрөн сэҥээрдилэр, кынаттаннылар. Бу кэлэр кэскилбит, ыччаппыт салҕыы сайдарыгар, саҥа чыпчааллары дабайарыгар бүгүҥҥү күн улахан төһүү күүс биэрдэ. Эдуард Григорьевка кэлэн көрсөн барбыккытыгар барҕа махталбытын тириэрдэбит!

Муус устар 2 күнүгэр Арыылаах нэһилиэгэр Кыhыны атаарыы бырааhынньыга «Сандал саас, кэрэ саас» тэрээһин олус өрө көтөҕүүлээхтик буолан ааста. Тэрилтэлэр икки ардыларыгар «Мин тэрилтэм» диэн бэйэлэрин тэрилтэлэрин туһунан ыллаан-туойан, үҥкүүлээн, инсценировкалаан күрэхтэстилэр. Нэһилиэкпит иһигэр тэрилтэлэр үллэриллэн барыта 5 хамаанда кытынна. Кыттааччылар араас киэргэллэрэ, таҥастара-саптара сааскы чаҕылхай күҥҥэ дьэрэкээн бырааһынньык киэргэлэ буолла. Дьүүллүүр сүбэ быһаарыытынан I миэстэни ыллылар Орто Бүлүү сельпо, ЖКХ хамаандата, II миэстэ Театральнай оскуола – Сахатранснефтегаз – Врачебнай амбулатория хамаандата, III миэстэни ыллылар Кэскил оҕо уһуйаана уонна МПЧ-4 хамаандата. Ону таһынан тэрилтэлэр икки ардыларыгар көрдөөх эстафета, биирдиилээн оонньуулар оҕолорго, улахан дьоҥҥо, атыы-эргиэн арааһа буолан ааста. Киэһэ өттүгэр спортзалга бу кыһыны атаарыыга сылын ахсын ыытыллар, быйыл 14 сыла «Икки сулус» ырыа күрэҕэ олус үрдүк таһымҥа, дьон биһирэбиллэнэн буолан ааста. Бу кылгас кэмҥэ ырыаһыттарбыт күүскэ бэлэмнэнэн сүрдээх үчүгэй ырыа киэһэтин көрөөччүлэргэ бэлэх ууннулар. «Икки сулус» күрэххэ I степеннээх лауреат үрдүк аатын ыллылар Варвара Катанова, Варвара Тимофеева С.Ф.Гоголев аатынан Хампа орто оскуолатын үлэһиттэрэ, II лауреат буоллулар Анна Алексеева, Иван Слепцов Кэскил оҕо уһуйаана уонна МПЧ-4 ырыаһыттара, III степеннээх лауреаттар Иннокентий Афанасьев уонна Виктор Евсеев Орто Бүлүү сельпо ырыаһыттара кыттыбыттарга барҕа махталбытын тириэрдэбит уонна кыайыылаахтарга истиҥ эҕрдэ буолуохтун.

Саха Республикатыгар Сылгыһыттар күннэригэр аналлаах викторинабыт түмүктэннэ.
Кыттыбыт дьоммутугар барҕа махтал! Инникигитигэр ситиһиилэри!!!

Ат – өбүгэлэрбит миинэр миңэлэрэ, көлүнэр көлөлөрө. Ити тас өртүгэр сылгы этэ – амтаннаах ас, биэ үүтэ – хатан кымыс, тириитэ ичигэс таңас, кыла-сиэлэ – киэргэл. Ол иһин саха киһитэ сылгыны улаханнык ытыктыыр. Сылгыны иитэр – аһатар киһини сылгыһыт диэн ааттыыллар.

Кулун тутар 21 күнэ Сылгыһыт күнүнэн ааҕыллар. Ол курдук Дьөһөгөй оҕотун иитэр, үөскэтэр, дьарыгырар дьоммутугар итии-истиҥ эҕэрдэ. Өбүгэлэрбит үгэстэрин сөргүтэн, саха атын таңара оңостон, симэђин – киэргэлин сөргүтүөђүң.

Куйаар ситимин нөҥүө хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы сиэлиттэн дэйбиир оҥорооччуларга күрэх түмүктэннэ. Кыттааччыларбытыгар истиҥ эҕэрдэлэрбитин тиэрдэбит, кыттыбыккыт иһин барҕа махтал.

Кулун тутар 21 күнэ Сылгыһыт күнүнэн ааҕыллар. Ол курдук Дьөһөгөй оҕотун иитэр, үөскэтэр, дьарыгырар дьоммутугар итии-истиҥ эҕэрдэ. Сылгыһыттарга аналлаах викторинаҕа бу ссылканнан киирэн кыттыҥ! 
https://docs.google.com/forms/d/e/1FAIpQLSecpaeFeQRnNbDCtxsQvT9QZGdOuzPVCPScG12PczhyARUM3w/viewform?...

Куйаар ситимин нөҥүө хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы сиэлиттэн дэйбиир оҥорооччуларга күрэх 4 № кыттааччыта Бочкарева Анна Иннокентьевна Хампа с.

Куйаар ситимин нөҥүө
хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы
сиэлиттэн дэйбиир оҥорооччуларга күрэх 3 № кыттааччыта Григорьевна Варвара Григорьевна Бороҕон с.

Куйаар ситимин нөҥүө хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы сиэлиттэн дэйбиир оҥорооччуларга күрэх 2 № кыттааччыта Герасимова Антонина Петровна Хампа с. 

Куйаар ситимин нөҥүө хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы сиэлиттэн дэйбиир оҥорооччуларга күрэх 1 нүөмэрдээх кыттааччыта Евсеев Василий Николаевич Бүлүү куората 

Арыылаах нэһилиэгин “Эрэл” норуот айымньытын киинэ

Куйаар ситимин нөҥүө хаартысканнан аһаҕас сылгыһыт күнүгэр аналлаах «Дэйбиир – киһи ымыыта” сылгы сиэлиттэн дэйбиир оҥорооччуларга күрэх балаһыанньата

Ыытыллар күнэ: кулун тутар ый 14 күнүттэн кулун тутар ый 20 к8н8гэр диэри, түмүк кулун тутар 21 күнэ

Сыала-соруга:

-        Кылтан, сиэлтэн оҥоһуктарыы киэҥ эйгэҕэ таһааран көрдөрүү;

-        Өбүгэ үгэһин сайыннарыы, тарҕатыы.

Ирдэбилэ:

- Сылгы сиэлиттэн, кылыттан оҥоһуллубут дэйбиир. Сыанабыл: Дэйбиир тас көстүүтэ, киэргэтиитэ.

- Дэйбиири хаартыскаҕа түһэрэн ыытаҕыт, кыттааччы аата-суола, хантан сылдьара суруйан ыытаҕыт

- Хаартысканы 89141097821 нүөмэргэ Акулинаҕа ыытаҕыт, 89142230764 нүөмэргэ Сардана Алексеевна Е. кыттыы иһин взнос 100 солк.

Наҕараадалааһын: кыттааччыларга кыттыы иһин туоһу суруктар, кыайыылаахха харчыннан бириэмийэ.

Хаартыскалар эрэл.рф сайка угуллаллар. 

Ађа дойдуну көмүскээччилэр күннэригэр Арыылаах нэhилиэгин тэрилтэлэрин икки ардыларыгар Советскаҋ Союз Геройа НИКОЛАҊ САВВИЧ СТЕПАНОВ төрөөбүтэ 100 сылыгар, Бүлүү улууһугар Бүлүүттэн төрүттээх уһулуччулаах дьон сылларыгар аналлаах ⭐ «ЧУЛУУ ⭐ САЛЛААТТАР»⭐ күрэхтэн кыра сонуннар. Нэһилиэкпит иһигэр Аҕа дойдуну көмүскээччилэр күннэригэр анаан сылын аайы ыытыллар хаамыы күрэхпитин буолан ааста. Тэрилтэлэртэн 5 киһи, 4 тэрилтэ кытынна. Кыттааччылар күрэххэ олус бэлэмнэмиттэрэ, кыайыыга дьулуурдара дьүүллүүр сүбэлэри күүскэ үлэлэттэ. Ол эрэн күрэх буолан баран кыайыылаах да кыайтарыылаах да баар буолар. Тыҥааһыннаах киирсии кэннэ 1 миэстэни ыллылар кыра тэрилтэлэр холбоһуктара, 2 миэстэ СПО Сельпо уонна ЖКХ холбоһук хамаандата, 3 миэстэ Кэскил оҕо уһуйаанын уонна МПЧ-4 холбоһук хамаандалара уонна кыттыбытын иһин С.Ф.Гоголев аатынан Хампа орто оскуолата ыллылар. Кыттыбыт дьоммутугар махталбытын тиэрдэбит, инникигэ ситиһиилэри баҕарабыт.

МУНИЦИПАЛЬНОЕ   БЮДЖЕТНОЕ УЧРЕЖДЕНИЕ КУЛЬТУРЫ ЦЕНТР НАРОДНОГО ТВОРЧЕСТВА «ЭРЭЛ» МУНИЦИПАЛЬНОГО ОБРАЗОВАНИЯ «АРЫЛАХСКИЙ НАСЛЕГ» ВИЛЮЙСКОГО УЛУСА (РАЙОНА) РЕСПУБЛИКИ САХА (ЯКУТИЯ)		САХА РЕСПУБЛИКАТЫН БYЛYY УЛУУЬА (ОРОЙУОНА) «АРЫЫЛААХ НЭЬИЛИЭГЭ» МУНИЦИПАЛЬНАЙ ТЭРИЛЛИИ «ЭРЭЛ» НОРУОТ АЙЫМНЬЫТЫН КИИНЭ МУНИЦИПАЛЬНАЙ БЮДЖЕТНАЙ КУЛЬТУРА ТЭРИЛТЭТЭ
ОКПО 86163800, ОГРН 1081419000684, ИНН/КПП 1410006128/141001001

 

Положение улусного дистанционного смотра песни и строя, посвященный ко Дню защитников Отечества среди школьников «Защитники Вилюя», приуроченный к 100 летию

Героя Советского Союза Н.С. Степанова.

 

Сроки проведения: 21 февраля – 8 марта, итог 10 марта.

Цель: формирование у школьников активности и патриотизма.
Задачи:
• воспитание патриотизма и любви к родине;
• активизация творчества детей;
• знакомство с военной песней и изучение военных, строевых песен, отработка строевой слаженности команд;
Условия участия в конкурсе: В конкурсе принимают участие учащиеся 1-11 классов.

Требования к работам, предоставляемых на конкурс:

·       Рапорт капитана

·       Название команды девиз, песня

·       Строевой шаг на месте, выполнение команд

ü Взнос с каждого участника 50 рб. 89142230764

ü Видео принимается в электронном виде, отправляем Телеграм 89142905861.

Победителям присуждаются номинации:
«За лучшую строевую подготовку»
«За лучшее исполнение строевой песни»
«За лучшую слаженность и дисциплину отряда»
«За лучшую экипировку отряда»
«Лучшему командиру»

Оргкомитет