Новости Центра народного творчества «Эрэл»

Бүлүү улууһугар доруобуйа сылыгар анаан доруобуйаларынан хааччахтаах дьон икки ардыларыгар кулун тутар 18 күнүгэр Арыылаах нэһилиэгэр «Олохтуун тэҥҥэ...» культурно-спортивнай күрэх буолан ааста. Чугастыы сытар Тааһаҕар, Бороҕон нэһилиэктэриттэн кэлэн кытыннылар.

Спортивнай күрэххэ хамаандалар хабылык, хаамыска, дартс, воздушканнан ытыы, көрдөөх эстафета күрэхтэстилэр. Сынньана таарыйа төгүрүк остуол тула олорон “Өркөн өй“ булугас өйдөөхтөр күрэхтэрэ буолан ааста. Культурнай чааһыыгар ырыа-тойук, көрдөөх сыаҥка, киэргэллээх кэрэ көстүүлээх  саха мааны таҥаһын көрүү-күрэхтэрэ буолан аастылар.

«Олохтуун тэҥҥэ...» культурно-спортивнай тэрээһиммит кыттылаахтара астына, дуоһуйа сынньаннылар. Дьоммутугар баҕарыа этибит субу курдук чэгиэн сылдьаргытыгар, тус олоххутугар дьолу-соргуну. 

Кулун тутар ахсыһынан
Күлүмүрдэс күн үүннэ
Кэрэ кыыстыын кэмчиэрийэн
Кэтэһиилээх кэм кэллэ!

Кэрэ сааскы кэһии буолан
Күүттэрилээх бэлэх уунан
Күлэн үөрэн мичилийэн
Сырдык дьоро күммүт тиийэн кэллэ!
Киһи – аймах кэрэ аҥарын күнүнэн, сахалыы сайаҕас алгыстаах, эриэккэс эҕэрдэ эҥээрдээх, ырыа – тойук аргыстаах, үҥкүү – битии үктэллээх, истиҥ Дьүөгэлиилэр күрэхтэрэ, кулун тутар 7 күнүгэр Арыылаахпыт нэһилиэгэр буолан ааста.
Бу күрэххэ кыттааччыларбыт Бүлүүбүт улууһа Доруобуйа сылынан биллэрбитинэн «Доруобай аһылык - Чөл олох төрдө» бэтэмииннээх бүлүүдэни, утаҕы көмүскээтилэр, Сүбэһит сылыгар анаан Туһалаах сүбэлэри, аныгылыы эттэххэ лайфхак кэпсээтилэр, көрдөрдүлэр, маанылаах талба талааннарын, киэһээҥҥи муодаларын дьон-сэргэ сэргии көрдө, махтайда.
Кыттыбыт Дьүөгэлиилэрбитигэр дьэрэкээн киэһэ бэлэхтээбиккитигэр барҕа махталбытын тириэрдэбит. Өрүү маннык кэрэ-нарын, өссө да тупса-сайда тураргытыгар баҕарабыт.

Аҕа дойдуну көмүскээччилэр күннэринэн Бүлүү улууһун Арыылаах нэһилиэгин олохтоохторуттан ис сүрэхтэн эҕэрдэ

Саха сиригэр Үлэ сылынан, Төрөөбүт тыл, сурук - бичик күнүн чэрчитинэн олунньу ый 16 күнүгэр "Эрэл" норуот айымньытын киинигэр Саха Өрөспүүбүлүкэтин норуотун маастара, Саха Өрөспүүбүлүкэтин культуратын туйгуна Иван Тимофеевич Павлов - Утум Уустуун о5олорго олус сэргэх көрсүһүү буолан ааста. Иван Павлов бэйэтин оҥоһуктарынан быыстапката оҕолору сэргэхситтэ. Тимир уһаарыыта, болгуо таас, Уус эттэтиитин туһунан элбэҕи иһиттибит, биллибит. Иван Павлов - Утум Уус үлэтэ өссө да сыаналана турдун, этигэн хомус тыаһа алыптаах, алгыстаах, арчылыыр, араҥаччылыыр аналлаах Аан Ийэ дойду үрдүнэн дьүрүһүйэ туруохтун!

Күндү ИЙЭ ТЫЛ илгэтин, ТӨРҮТ ТЫЛ сүмэтин сүрэххэ тутан саҥара, кэпсэтэ, тарҕата, сайыннара сылдьар үтүө дьонум! Саханы саха дэтэр САХА СУРУГУН-БИЧИГИН КҮНЭ үүммүтүнэн УРААҤХАЙДЫЫ УРУЙ! САХАЛЫЫ АЙХАЛ! Олунньу ый 13 күнүгэр, биһиги нэһилиэкпитигэр Ийэ тыл, сурук-бичик күнүн бэлиэтээтибит.

Россияҕа учуутал уонна настаабынньык сылын, Саха Өрөспүүбүлүкэтигэр үлэ сылын, Бүлүү улууһугар чөл олох сылын арыйдыбыт. Түгэнинэн туһанан тустаах тэрилтэлэр ветеран үлэһиттэрин чиэстээтилэр, махтаннылар, инникигэ ситиһиилэри, кэс тыллары эттилэр.

Үөрэҕирии тэрилтэлэрэ: Ст.Ф.Гоголев аатынан Хампа орто оскуолата, «Кэскил» оҕо уһуйаана, Хампатааҕы оҕо театральнай оскуолата көхтөөхтүк «Төрөөбүт төрүт тыл күүһэ» ток-шоуга кытыннылар. Оскуола уонна оҕо уһуйаанын тэрилтэлэрэ уһуйааччы уонна сүбэһит, театральнай оскуола хамаандалара мындыр, булугас өйдөрүн, билиилэрин, сатабылларын көрөөччүлэр олус диэн сэҥээрдилэр. 

Кыайыылаахтарга э5эрдэ, кыттыбыт бар дьоммутугар истиҥ барҕа махталбытын тириэрдэбит.

Олунньу ый 8 күнүгэр биһиги нэһилиэкпитигэр олус сэргэх үҥкүү дьоро киэһэтэ буолан ааста.
А.Д.Макарова аатынан Култуура уонна искусство колледжын Үҥкүү салаатын 3 курсун устудьуона Анна Васильева “Үҥкүү кэрэ эйгэтэ” диэн отчуоттуур кэнсиэрэ буолан ааста.
Араас омук үҥкүүтүн нэһилиэкпит иһигэр баар түмсүүлэрбит оҕо ансаамбыллара – “Дьэргэлгэн”, “Күндээрэ”, эдэр ыччат ансаамбыла – “Дайаана”, уонна “Оһуор” ансаамбыллар көрөөччүнү сэргэхситтэ, биһирэбил ылла.
Аня ба5арыа этибит инникитин даҕаны талбыт идэҕинэн айа, тута, сайда сырыт.

Биһиги нэһилиэкпитигэр Олоҥхо декадатын, Хомус күнүн чэрчитинэн «Хомус дьүрүскэн тыаһыгар уйдаран» диэн авторскай кууруһу Саха Республикатын хомусчут-импровизатора Токуйаана Николаева хомуска оонньуон баҕалаахтары мунньан 10 күннээх кууруска хомуска оонньуурга үөрэттэ. Бу үөрэххэ:сөптөөхтүк тыынарга, араас норуот ырыаларын хомуска оонньоон таһаарыыга, Бүлүүлүү сыыйа тардыы ньыматыгар, араас көтөр саҥатын саҥарарга уонна бэлэм композиция биирдии бэйэлэригэр туруоран биэрдэ. Токуйаана Николаева үөрэнээччилэригэр үөрэх түмүгэр анал сертификат бэлэх уунна. Токуйаана Ивановна бэйэтэ биһиги нэһилиэкпитигэр быйыл оскуолаҕа учууталлыы кэлбит эдэр учуутал, кини чугастыы сытар Дьөккөн нэһилиэгиттэн төрүттээх, кыра эрдэҕиттэн төрүт музыкальнай инструмеммытынан Хомуһунан сөбүлээн оонньуур эбит. “Эрэл” норуот айымньытын киинин коллективын аатыттан Токуйаана Ивановнаҕа кууруһуҥ ситиһиилээхтик түмүктэммитинэн итиитик-истиҥник эҕэрдэлиибит, улахан махталбытын тиэрдэбит. Бађарабыт айар үлэђэр өссө үрдүк ситиhиилэри, мэлдьи дьон ортотугар, олох үөhүгэр үөрэ-көтө, үчүгэйи, үйэлээђи үксэтиhэ, кэрэни кэңэтиhэ, чэгиэн-чэбдик доруобуйалаах, уйгу-быйаң олохтоох, дьоллоох-соргулаах буол! Сыралаах үлэң үтүө түмүктэрдээх буоллун, ылсыбыт дьыалаң ыпсан истин диэн бађа санаа бастыңын, үтүө санаа үгүhүн аныыбыт.

Олоңхо декадатыгар аналлаах аhађас куйаар ситиминэн Олоңхо персонажтарынан куукула оңоhуктарыгар күрэх Кыттыбыт дьоммутугар өссө да үрдүк ситиһиилэри баҕара хаалабыт.

Олоңхо декадатыгар аналлаах аhађас куйаар ситиминэн «Остуоруйа дойдута» эбээ, ийэ, эhээ, ађа остуоруйа кэпсиир аудио күрэҕин түмүгүнэн I үрдэл туттарылынна Горохова Лариса Степановнаҕа, Үөһээ Дьааҥы, Арыылаах нэһилиэгэ, II үрдэл туттарылынна Мандарова Людмила Александровнаҕа Бүлүү, III үрдэл туттарылынна Николаева Диана Дмитриевнаҕа Бүлүү. Кыттааччыларбытыгар өссө үрдүк ситиһиилэри баҕара хаалабыт.

Олоңхо декадатыгар аналлаах аhађас куйаар ситиминэн «Олоңхолуун алтыhабыт» ођолорго уруhуй күрэђин

Салайааччы: Степанова Хаарчаана Федоровна
Куукула бэйэтин матер чулок,вата. Платье кашибо,тесьма.
Батта5а хара сап

Олоңхо персонажтарынан куукула оңоhуктарыгар күрэх 13 нүөмэрдээх кыттааччыта Борисова Виктория 6 саастаах Дьокуускайдааҕы 8 нүөмэрдээх "Родничок" детсад  «Семицветик» бөлөх иитиллээчитэ, салайааччы Федотова Сиибиктэ Порфирьевна
Туйаарыма Куо: 
Танаьа: сахалыы халадаай, сахалыы сон (искусственный мех-белый) соно оьуордара- вышивка уонна огуруоннан тиьиллибит оьуордар.
Сахалыы бэргэьэ - мех уонна вышивкалаах.
Тимиринэн оноьуллубут Илин кэбиьэр уонна Бастына 
Кээнчэтэ - вышивкалаах

Материалы: соно- Драп, тесьма, искусственный мех
Халадаайа - атлас 
Бэргэтэ - драп, искусственный мех

Олоңхо персонажтарынан куукула оңоhуктарыгар күрэх 12 нүөмэрдээх кыттааччыта Бүлүү куоратын"Бүлүүчээнэ" оҕо уһуйаанын Иитээччитэ Степанова Хаарчаана Федоровна 
Саха Уһуйаана буолан оҕолорбутун сахалыы иити буолар.Оҕо кыра эрдэҕиттэн олонхону истэ көрө улаатыахтаах.
 "Сабыйа Хотун", биэс саха бухатыыра Сир,Күн,Уот Уу,Ый, аллараа дойду абааһыта, туттуллубут материал: төбөлөрө мас луоску , параллон, илиигэ кэтэн хамсатабын.
Ынах муоһунан оҥоһук  оҕолору кыра эрдэхтэриттэн олоҥхо геройдарын билиһиннэрээри онортум  ойуулаан дьуҺуннээн көрдөрөбүтүм  туттуллубут материал: ынах муоһа, акриловай кырааска

Горохова Лариса Степановна, Верхоянскай улууһун, Арыылаах нэһилиэгин 60 саастаах 4 оҕо эбээтэ

Бүлүү куоратын "Туллукчаан" уһуйаан иитиллээччитин, Ооржак Виктория ийэтэ, Варвара Константиновна үлэтэ. Ойуулаах шифон матырыйаалынан тигиллибит халадаай ырбаахылаах, тесьманан, оҕуруонан киэргэтиллибит хаһыаччыктаах, бастыҥа, илин кэбиһэр, суумка киэргэллээх Тоҕус былас суһуохтаах туналҕаннаах ньуурдаах Туйаарыма Куо.

Бүлүү куорат "Туллукчаан" уһуйаан иитиллээччитин, Каратаева Ксения ийэтин Любовь Федоровна, а5атын Дмитрий Алексеевич улэлэрэ. Абааьы кыыһа:
Полимернай глинаттан боробулуохаҕа сыһыарыллан оҥоһуллубут, гуашь красканан кырааскаламмыт, хара, маҥан оҕуруонан киэргэтиллибит, баттаҕа кылтан сыһыарыллыбыт, таҥаһын матырыйаала трикотаж, сотото киис түүтүнэн киэргэтиилээх түптэ кутурук, тутум тэллэх, дэгиэ тыҥырах кыыс оҕо Кыскыйдаан Куо.

Бүлүү куоратын "Туллукчаан" уһуйаан иитиллээччитин, Семенов Айтал ийэтин, Камилла Борисовна, аҕатын Никита Ильич үлэлэрэ Уол Дуолан боотур.
Таҥаһа хб матырыйаалынан тигиллибит, тас бүрүөһүн соно, бэргэһэтэ искусственнай замшанан оҥоһуллубут, харысхал киэргэллээх, тимир киэргэллээх тесьманан киэргэтиллибит этэрбэстээх, батыйата маһынан кыһан оҥоһуллубут, биитин тимирин фольганан силигин ситэрэн биэрбиттэр.

Бүлүү куорат "Туллукчаан" уһуйаан иитиллээччитин, Николаева Матрена эбээтин Матрена Нестеровна уонна эһээтин Родион Васильевич үлэлэрэ тоҕус халлаан домньута, аҕыс халлаан арчыһыта Айыы Умсуур удаҕан.
 Сирэйин туойунан сыбаан оҥорбуттар, оһоххо буспут, гуаһынан кырааскалаан ситэриллибит, баттаҕа баайыы сабынан оҥоһуллубут, таҥаһа габардинынан тигиллибит, сарбынньаҕа тесьманан ситэриллибит, ытарҕата, түөһүн киэргэлэ фольганан оҥоһуллубут, дүҥүрэ кырыыҥка хаппаҕын тесьманан эргитэн, охсор маһын кыһан оҥорбуттар.